Góðan daginn og gleðilegt nýtt ár!  Jæja þá erum við á Árnanum stödd rétt austan við Kolbeinsey við loðnuleit og má sjá ferilinn okkar hér á myndinni að neðan.  Þessi leiðangur byrjaði 3.jan og er áætlað að honum ljúki þann 21. en það er nú allt breytingum háð.


Þarna erum við svo stödd 09.01.2012.


Sveinn Sveinbjörnsson mættur á vaktina og áhuginn leynir sér ekki.


Kafteinninn Guðmundur Bjarnason á vaktinni í brúnni.


Strákarnir að láta flotið fara, Gummi, Binni, Haffi og Baddi.


Yfirvélstjórinn með sýnikennslu hvernig fara skal í flotgallan.


Jájá Tommi fékk að prófa líka.


Kaldi.


Heimir Örn 2.stýrimaður bráðhress að vanda, alltaf stutt í brosið hjá þessum kappa :-)

Góðan daginn!  Það er nú óskaplega lítið af okkur að frétta þessa stundina, liggjum hérna undir Látrabjargi og bíðum eftir að vind lægi á sundinu.  Jæja jæja ég læt þá bara einn ljóshærðan flakka :  Ljóskan var á gangi meðfram á þegar hún sér aðra ljósku á hinum bakkanum, svo hún kallar...  hvernig kemst ég hinumegin ?  Og hin ljóskan svaraði, þú ert hinumegin......


Sigurður Þ Jónsson rannsóknamaður brosir sínu besta.


Guðmundur Ívar 1.vélstjóri.


bla..bla og meira bla..bla Haffi að taka við jólagjafaóskalistanum frá Gerði sinni.....

Strákarni komnir með smá loðnusýni í pokann, Baddi klár með sýnafötuna.


Heimir og Bjarni Sveins að prófa nýja fallbeltið.


Félagarnir Leifur og Agnar rannsóknamenn.


Hann Sigurður Kjalnes bryti á afmæli í dag og óskum við honum til hamingju með daginn :-)


Og brytinn bauð upp á þennan fína fiskrétt í hádeginu.

Nú eru liðnar þrjár vikur frá því að verkfall háseta á skipum Hafrannsóknarstofnunar hófst og enn er allsendis óvíst hvenær verkfallinu lýkur. Það er undarlegt að vera núna fastir við bryggju því á sama tíma fyrir ári vorum við í loðnuleit við Grænlandsstrendur þar sem við fundum mikið magn af loðnu sem skilaði sér sem byrjunarkvóti á núverandi vertíð. Farið hefur verið í loðnuleiðangra að haustlagi í áratugi. Þar að auki er haustrallið í uppnámi og stofnmæling nytjastofna hugsanlega fyrir bý þetta haustið. Yrði það fyrsta skipti í 16 ár sem mælingar falla niður.  Það er ljóst að um mikla fjárhagslega og vísindalega hagsmuni er að ræða fyrir þjóðarbúið. 

 

Hásetarnir á Árna Friðrikssyni og Bjarna Sæmundssyni komu saman á fundi hjá Sjómannafélagi Reykjavíkur í gær og fóru yfir stöðu mála og ljóst er að mikil samstaða er þeirra á meðal um að standa fast á sínum kröfum. Allir um borð hér á Árna Friðrikssyni standa heilshugar með hásetunum í baráttu sinni fyrir bættum kjörum. Hásetarnir hafa verið með lausa samninga síðan 2008, líkt og allir aðrir hér um borð, og þeir eru tilbúnir í langt verkfall sem gæti staðið fram á næsta ár til að ná fram leiðréttingu á sínum launum.

 

Við þökkum þeim á Faxa RE 9 kærlega fyrir baráttukveðjurnar.

Góðan daginn!  Hér erum við enn stödd í bullandi haustralli á Árnanum úti fyrir vestfjörðum, reyndar í versnandi veðri þessa stundina sem vestfirðingarnir segja mjög fátítt hér um slóðir.... jeee right!


Ekki kannski algeng sjón en kemur fyrir, ágætis karfahol hjá strákunum.


Gott í galtóman ríkissjóð ha?


Búri.


Jónbjörn Pálsson rannsóknamaður heldur hér á fiski sem heitir Gjölnir.


Á meðan skipstjórinn horfir íbygginn niður á togdekk leikur bátsmaðurinn sér bara í playstation.  Guðmundur Bjarnason skipstjóri og Guðbrandur Sigþórsson bátsmaður að taka trollið.


Vestfirðingarnir Guðmundur skipstjóri og Hafþór netamaður.


Ívar Bjarnason hefur nú margt trollið rimpað saman um ævina.


Vestfjarðatröllið Brynjólfur Bjarnason heldur hér þrumandi eldmessu yfir lýðnum sem í aðdáun sinni fellur á hné að fótum meistarans.


Hvað ungur nemur það gamall temur.  Brandur bátsmaður kennir hér Sævari háseta réttu handtökin.


Árninn á siglingu eh staðar úti fyrir vestfjörðum.

Góðan daginn !  Jæja loksins vaknaði bloggsnápurinn til lífsins og þó fyrr hefði verið.  Þá er nú enn eitt haustrallið skollið á hér á Árnanum, reyndar fórum við út frá Reykjavík fyrir nákvæmlega viku síðan og höfum verið að taka stöðvar norður með landinu eins og sjá má á ferlinum hér að neðan.  Í heildina er áætlað að taka 209 tog en akkúrat þessa stundina eru þau orðin 60.  Þetta haustrall er í 3 hlutum, rall/loðnuleit/rall og eiga þessir hlutar að vera ca. jafnlangir eða 14 dagar.  Samkv. áætlun á þessum fyrsta hluta að ljúka 28 sept. en þann dag hafa líka undirmenn á skipum Hafró boðað til verkfalls þannig að allar áætlanir gætu nú raskast enda lítið að gerast í samningamálum eftir því sem snápurinn hefur hlerað á göngunum.


Þetta er nú ferillinn okkar síðustu dagana......og nei! sjálfstýringin er ekki biluð, þetta á að vera svona.


Jæja....ekki líst honum á það sem kom upp núna, Jón Sólmundsson leiðangurstjóri.


Ohooo..... byrja þessar raddir aftur, best að loka eyrunum svo þau hin heyri þær ekki líka,  Agnes Eydal rannsóknamaður.


Já SÆLLLL.... Herra Kjalnes bryti mættur í eldhúsið svona líka glaður kallinn  ;-)


Þessa lúðu fengum við um daginn, ca. 60 kg takk fyrir.  Hafþór netamaður, Sævar háseti og Ívar háseti.


Það er aldeilis að þessir eru hýrir.... Heimir Örn yfirstýrim. og Guðmundur Ívar 1.vélstjóri.


1 fiskur...2fiskur...3fiskur.  Aðalbjörg Jónsdóttir rannsóknamaður mætt í innsláttinn.


Þessa ostaveislu fengum við í einu toginu og voru strákarnir og stelpurnar þvílíkt ánægð....


Ostur er veislukostur.


Svo þarf að bæta trollið, Brandur, Sævar, Haffi og Ívar sinna netavinnuni.


Þetta er þessi "síkáti sjóari" sem alltaf er verið að tala um, enda hvernig má annað vera nýkominn um borð eftir langt hlé og spúsan meira að segja með....er nema von að menn smæli framan í heiminn.  Hafþór Júlíusson netamaður.